#أطباء_مصر_غاضبون: هذه انتهاكات نظام السيسي بحق القطاع الصحي

أطلق أطباء مصريون هاشتاج "#أطباء_مصر_غاضبون" رصدوا فيه الانتهاكات التي يتعرضون لها، ومطالبهم بزيادة الراتب ورفع بدل العدوى. ورغم تأكيدهم أن الحملة "مهنية" وليست سياسية، إلا أن مغردين حملوا النظام المصري مسؤولية فساد المنظومة الطبية برمتها.

وأرجع رواد مواقع التواصل في تغريداتهم، أسباب اتهامهم ذلك للنظام، إلى فساد المنظومة السياسية التي يقودها رئيس الانقلاب العسكري في مصر عبدالفتاح السيسي.

سلسلة غضب

وأكد مروان الفايد، أن #أطباء_مصر_غاضبون من أجل كرامة الطبيب، موضحًا أن مطالب الأطباء متمثلة في "رفع أساسي المرتب 100  بالمئة، تطبيق قرار المحكمة برفع بدل العدوى لألف جنيه، إلغاء تجميد الحوافز واحتسابها ع الأساسي الجديد مش 2014، وضع مهنة الطبيب في إطارها الذي يليق بيها في المجتمع من تأمين طبي وتأمينات اجتماعيه وتقديره ماديًا".

ونشر المغرد "الرزوق" المطالب ذاتها، مضيفًا عليها المطالبة بـ#إقالة_وزيرة_الصحة، والتأكيد على أن أمن المستشفيات ضرورة لسلامة الأطباء.

وأوضحت بيلا سليمان، أن #أطباء_مصر_غاضبون "علشان وضع أصبح مهزلة ومن سيء لأسوء والأطباء أو الصحة واضح إنهم مش في أي خطة تعديل أو تغيير".

ولفت مجدي الصاوي إلى أن #أطباء_مصر_غاضبون  "عشان ميرضيش ربنا كل ما ادخل محل جزم ألاقي مرتبي مكتوب على جزمة".

وتساءل مسعد: "يا باشا محدش بيسمع صوتنا ليه هو مش موجود.. بنقول الأطباء بيضربوا في الاستقبال وبيتهانوا في وقت الكشف وبيقبضوا ألفي جنيه، بدل العدوى 20 جنيه يعني كيلو مانجو #أطباء_مصر_غاضبون".

وأعرب صاحب حساب "الوزير" عن تضامنه مع أطباء مصر في الوصول إلى تحقيق مطالبهم، بشرط! تخفضوا أسعار الكشف في العيادات الخاصة، قائلا: " نفختونا وبلاش فاتورة المنظار اللي عاملة زي ضريبة القيمة المضافة دي علشان زودتوها".

حملات غضب

وتحدث الناشطون عن تواصل حملات الغضب في أغلب القطاعات المهنية، إذ لفت نبيل النجار إلى غضب أغلب فئات الشعب المصري، قائلا: "#أطباء_مصر_غاضبون، أصحاب المعاشات عاضبون، المهندسين غاضبون، أصحاب الماجستير غاضبون، المدرسين غاضبون"، متسائلاً: " أمال مين مبسوط فى فى مصر.. على رأي طبيب الفلاسفة ويعمل ايه التعليم فى وطن صايع أو ضايع مش فاكر؟".

وقالت سالي غالب، :" إن #أطباء_مصر_غاضبون والصيادلة والممرضين والعيانين كمان".

وأشار محمد رمضان إلى أن #أطباء_مصر_غاضبون،  ومنذ يومين كان #علماء_مصر_غاضبون،  متوقعًا غضب فئات أخرى من الشعب المصري، مضيفًا: "الحل المفروض يكون سياسي، نظام سياسي محترم وعادل يحكمه الدستور".

وتابع: " حتى لو سمعوكم هيرموا لكم عضمة تتلهوا فيها.. خليكوا بقي اطلعوا على الشاشات قولوا إحنا مع الوطن وتحيا مصر 3 مرات وحملتنا مش سياسية".

امتيازات للعسكر

واستنكر ناشطون رفع رواتب العاملين بقطاع الجيش والشرطة والقضاء دون غيرهم، حيث تساءل جمال: "لماذا غاضبون ده ناس فشلة جايبين ٩٩ بالمئة مش لو كانوا جابوا ٥٠ بالمئة و دخلوا الكليات العسكرية أفضل لهم #أطباء_مصر_غاضبون".

وسخر صاحب حساب "بتاع تكاتك" متسائلا: " #أطباء_مصر_غاضبون وهل ده بسبب الراتب اللي ميجيبش شاي بلبن وبسكوت لوكس؟ ولا ضعف التعليم الأكاديمي والتدريب؟ ولا عدم القدرة على حضور المؤتمرات العلمية؟ ولا افتقارهم للقيمة المعنوية والمجتمعية مقارنة بحماة الوطن مثلا؟".

وتساءل محمد: " كده لسة مين في مصر مش غاضبون؟.. احنا نعمل هاشتاج موحد لكل المجالات -نستثني منه الجيش والشرطة والقضاء- ونعيط فيه كلنا".

وسخر عمورة قائلا: " انت مش عارف إن الـ19 جنية دول كانو أيام الملك بيشترو قصر، انت مش مقدر اللي احنا بنعملو عشانك وديمًا بتنكر النعمة مهو كل دا عشان مصر ياخوانا دي مسر ياحبيبي الحربية والمتطوعين اللي هيسقوك ويدوك على قفاك لو قلت حقي اولي بدا منك #أطباء_مصر_غاضبون".

منظومة فساد

وأشار ناشطون إلى فساد المنظومة الصحية فضلا عن فساد المنظومة السياسية بأكملها، حيث أكد عبدالله الديك، أن: " الوضع كارثي فعلًا في أغلب أركان المنظومة الطبية ."

وقالت صاحبة حساب "فوزية رافت شخصيًا: "بصراحة أنا مش غاضبة ولا حاجة مهو بالعقل يعني.. بلد بيحكمها واحد ما بجمعش وعصابة بتسرق الغلابة.. الناس بتنام بالشارع.. وبالمستشفيات عالبلاط.. نسبة الفقر والجهل عالية.. والأموال بيد نسبة صغيرة من الأغنياء يعني بلد زي دي.. حتدعم الدكاترة والا الرقاصات؟.. بطلوا عبط".

وعلّق صاحب حساب "حازم بتاع مدينة نصر" قائلاً: " الحقيقة أن مصر كلها غاضبة يحكمها واحد من أجرم الأنظمة في تاريخها منذ توحيد البلاد علي يد الملك مينا #أطباء_مصر_غاضبون عشان حاجات كتير يأتي على رأسها الملاليم اللي بياخدها اللي شغال منهم في مستشفيات الحكومة ودا ظلم شديد لأن اللي واخد دبلوم وشغال ف المحكمة بياخد مرتب أكبر لكن بردو فيه أطباء كشفهم في عياداتهم الخاصة بيصل ل٧٠٠ جنيه وأعتقد دا شيء مبالغ فيه".

واتهم خالد نشات ذكي، وزارة الصحة بالفشل، قائلًا: " مفيش مرتبات تكفي لحياة آدمية، ومفيش خدمات علاجية، وأهم حاجة في المنظومة الحضور والانصراف، مفيش دور رقابي محايد يتكفل بتصحيح اي قصور، مفيش دكاترة تخدير وعجز في توفير التخصصات الحرجة، مفيش بدل عدوى مفيش كرامة مفيش أمن، إهانة إعلامية، #أطباء_مصر_غاضبون".

وأكدت "لولو" أن الطب فى مصر تدنى جدًا وفقد أهميته وأصبحنا عندما نذهب للمستشفى بمرض نخرج منها ونحن نحمل الكثير من الأمراض بسبب قلة الامكانيات، متسائلة: "أين الدولة وأين الحكومة أين كل هؤلاء من كل هذا لمن نرفع شكوانا من المسؤل عن قلة الامكانيات وعن انعدام الضمير تزهق ملايين الارواح؟".

وقالت دكتور ترنيم:" إن #أطباء_مصر_غاضبون عشان قلة القيمة اللي الحكومة عاملاها فينا، عشان كل من دخل مستشفى اعتبر الطبيب أضعف حلقه وقل أدبه عشان كل طبيب وزميل مات بعدوى خطيرة ومفيش مكان ولا فلوس تعالجه، عشان وزارة الصحة هي الأسوأ إطلاقا ومصر أسوأ دولة في معاملة أطباءها.

وقال باسل محسن: " انت مش محتاج تنزل مستشفيات عشان تعرف أن الصحة فمصر زي الزفت، وكواحد نزلت وشوفت بقول أحنا محتاجين بدل إنسانية مش بدل عدوى ولما بدل العدوى بيساوى عندك 19 جنية إذا بدل الإنسانية بيساوى كام.."، مستطردًا: " صدقني انك تكون دكتور بيخلى حاجات كتير تتقتل جواك.. وصدقني برضه محدش هيقدرك ".

الهجرة هي الحل

وحث ناشطون الأطباء على البحث عن هجرة أو فرصة سفر للعمل بالخارج، حيث أشار وليد إلى أن #أطباء_مصر_غاضبون و#علماء_مصر_غاضبون، مستطردا: "البلد دي لا بتاعت علم ولا صحه ارحموا نفسكم واللي يعرف يسافر ولا حتى هجرة بلا رجعة يتوكل على الله".

وتهكم  محمد هشام قائلًا: " محدش قالكم تضيعوا وقتكم في المذاكرة لحد ما فشلتم وطلعتوا من الأوائل كان قدامكم تعملوا فيديوهات تافهة على يوتيوب و تيك توك وياما قلنا لكم خش يا ابني أعملك كام فيديو ينفعوك قبل الامتحان بس ماسمعتوش الكلام.. ماتغضبش سافر برة مصر بيقدرو العلماء إحنا بنقدر العوالم بس  #أطباء_مصر_غاضبون".

وحث نبيل الخولي الأطباء على الغضب قائلًا: "اغضب فإن الأرض تـُحني رأسها للغاضبين.. #أطباء_مصر_غاضبون".